वीरगंज । गाडी तथा ईरिक्सामा प्रयोग हुने ब्याट्री भन्सार छली गरी तस्करी हुन थालेपछि बीरगन्जका व्यवसायीहरु मारमा परेका छन् । बीरगन्जमा सानादेखि ठूला ब्याट्रीको कारोबार गर्ने व्यवसायीहरु ३ दर्जन भन्दा बढी रहेकामा पछिल्लो समय तस्करीबाट ब्याट्री नेपालमा भित्रिन थालेपछि व्यवसाय नै धरासायी भएको व्यवसायीहरुको भनाई छ । बीरगन्जको लिङ्क रोडमा विगत लामो समयदेखि पसल संचालन गर्दै आएका व्यवसायी कुन्दन रौनियारले प्रहरी प्रशासनको फितलो अनुगमन तथा नीतिका कारण आफुहरुको व्यवसाय नै धरापमा परेको बताए । पहिला राम्रो कारोवार हुने गरेको भएपनि ईरिक्साहरु भारतमै गएर ब्याट्री लगायतका सामाग्री खरिद गर्न थालेको र तस्करी गर्न छुट दिइएपछि आफुहरुको व्यवसायको हालत नाजुक भएको रौनियारको भनाई छ । उनका अनुसार बीरगन्जबाट भारतको सिमावर्ती बजारहरुमा जाने गरेका ईरिक्सा तथा गाडीहरुले उतै ब्याट्री लगायतका सामानहरु खरिद गर्ने गरेका छन् । आफ्नो व्यक्तिगत प्रयोजनको लागि मात्र नभई ईरिक्साका ग्यारेज संचालकहरुले ईरिक्सामा प्रयोग हुने ब्याट्री लगायतका सामाग्रीहरुको तस्करी समेत गराउने गरेका छन् ।

जिल्ला प्रहरी कार्यालय पर्साका अनुसार ब्याट्री गाडीमै प्रयोग गरेर ल्याउने गरेको कारण पक्राउ गर्न तथा अनुगमन गर्न पनि कठिन रहेको छ । यद्यपि भन्सार क्षेत्र चेकिङ्गमा कडाई गरिएको तथा अनाधिकृत रुपमा नेपाल भित्रयाईने जुनसुकै सामान पनि प्रहरीले नियन्त्रणमा लिने गरेको प्रहरीको भनाई छ । खासगरी बीरगन्ज रुटमा चल्ने ईरिक्साहरुलाई भारतको सिमावर्ती बजार रक्सौल जान कुनै रोकटोक पनि नहुने गरेको कारण ईरिक्सा भित्रै ५ वटासम्म ब्याट्री फिटिङ्ग गरी मुख्य भन्सार नाकाबाटै नेपालमा भित्र्याउने गरेका छन् । दैनिक रुपमा यसरी ओहोरदोहोर गरी ब्याट्रीको तस्करी गर्ने गिरोह नै बीरगन्जमा सक्रिय रहेका छन् । तस्करी गिरोहमा भारतका व्यवसायी तथा बीरगन्ज ब्याट्री बिक्री गर्ने केही संचालक तथा मिस्त्रीहरुको संलग्नता रहेको स्रोतको दाबी छ । एउटाको ब्याट्रीको भन्सार करमा ५ हजार रुपंैया रहेको व्यवसायीहरुको भनाई छ ।

यसरी दैनिक लाखौं रुपैंया भन्सार चुहावट हुने गरेको छ । रक्सौलका व्यापारीहरु बीरगन्ज अवैध रुपमा ब्याट्रीहरु चोर बाटोबाट मगाएर भण्डारण गर्ने गरेको तथा सर्टेज भएपछि ईरिक्साले रक्सौलमै लगेर ब्याट्री दिने गरेको छ । रक्सौलमै गएर ब्याट्री खरिद गर्ने ईरिक्सा चालकहरुलाई बीरगन्जमै सर्भिसको व्यवस्था समेत मिलाईएको छ । अवैध तरिकाले बीरगन्ज भित्रयाईएको ब्याट्री बीरगन्जस्थित बोखार चौकमा भण्डारण गरी नेपालको ठूला शहरहरु समेत ब्याट्री तस्करले पु¥याउन थालेको बताइएको छ । यसको विषयमा बीरगन्ज स्थित ईरिक्सा संघ पदाधिकारीहरुलाई समेत जानकारी रहेको छ । तर प्रहरी, ट्राफिक प्रहरी र ईरिक्सा संघ बीरगन्ज सबैलाई ई रिक्साका संचालकहरुले मासिक रुपमै नजराना दिने गरेका छन् । नियमनकारी निकायहरुले नै सो कार्य रोक्न तदारुकता नदेखाएको कारण मासिक रुपमा करोडांै रुपैयाको ब्याट्री तस्करी बीरगन्जमा हुने गरेको छ । यसको सिधा मार भन्सार गरी नेपालमा वैध रुपमा समान भित्र्याई कारोबार गर्ने व्यवसायीहरु परेका छन् । व्यवसायीहरुका अनुसार यो कार्यलाई ठोस नीति बनाएर नरोकिए ब्याट्री व्यवसाय ठप्प हुने तथा करोडौं लगानी डुब्ने खतरा रहेको छ । साभाल : नेपाल पोस्ट डेलि