वीरगंज । बीरगन्ज महानगरपालिका वडा नं.–२५ सिर्सियाका १४ वर्षीय निरजकुमार पासवानको हत्यामा संलग्न भएको आरोपमा पक्राउ परेका दुई जनालाई जिल्ला प्रहरी कार्यालय पर्साले सार्वजनिक गरेको छ । पक्राउ पर्नेमा बीरगन्ज – १७ अलौं वस्ने श्यामप्रसाद यादव र धोबिनी गाउँपािलका घरभई बीरगन्जमा वस्दै आएका आएका ३० वर्षीय दिलीपकुमार पटेल रहेका छन् । पक्राउ परेकाहरु पत्रकार सम्मेलन आयोजना गरी जिल्ला प्रहरी कार्यालय पर्साले सार्वजनिक गरेको छ । रहस्यमय तरिकाले घटाइएको घटनामा उनीहरु सहित अन्य एक जनाको समेत संलग्ता रहेको पर्साका प्रहरी उपरीक्षक कोमल शाहले बताए । घटना संलग्न एक जना अझै फरार रहेको तथा उसको खोजी तलास भईरहेको पत्रकार सम्मेलनमा शाहले बताए ।

अपहरणपछि हातखुट्टा तथा मुखमा कपडाको पट्टीले बाँधेर राखेकोमा निरजले डोरी फुकाएर भाग्न खोजेपछि उनको हत्या भएको प्रहरी उपरीक्षक कोमल शाहले जानकारी दिए । हत्याको कारण फिरौतीमा रहेको प्रहरीले जनाए पनि स्थानियहरुले अन्य कारण पनि हुन सक्ने बताउदै आएका छन् । मंसिर ५ गते हराएका बालकको खोजी गरी दिन भन्दै मंसिर ६ गते नै अभिभावकले प्रहरीमा उजुरी दिएको भएपनि प्रहरी कानमा तेल हाली वसेको कारण दुखद घटना भएको स्थानिय अगुवाहरुको भनाई छ । अपहरकारीले अपहरण गरेको १२ दिनपछि फिरौती रकम माग गरेको भएपनि प्रहरीलाई अभिभावकले पछि मात्र जानकारी गराएको जिल्ला प्रहरी कार्यालय पर्साको दावी छ ।

स्थानियहरुका अनुसार अपहरण गरेको केही दिनमै बच्चा हत्या गरिएको शव मात्र कुकुरलाई मारेर उनीहरुले गाडेको कारण घटना सुनियोजित तरिकाले भएको देखिएको छ । हराएको झण्डै ३४ दिनपनि बालकको शव गाउँ श्रीसिया खल्वा टोला स्थित गुरूकुल पन्ना मेमोरियल इङ्गलिस स्कुलको पुरानो भवनको सेप्टिक ट्याङ्कीमा भेटिएको थियो । घटनामा स्कुलकै शिक्षक संलग्न रहेको कारण स्थानियहरु त्रसित भएका छन् । सरकारले श्रीसिया टोलका स्थानियहरुलाई जग्गा अधिग्रण गरेपछि मुअब्जा उपलब्ध गराएको कारण यस्ता अन्य घटनाहरुपनि हुन सक्ने डरले स्थानियहरु त्रसित भएका छन् । उनीहरुले प्रहरीसँग स्थानिय शान्ति सुरक्षाको बिषयमा गम्भीर भईदिन समेत स्थानिय प्रहरी प्रशासनसँग गुहार लगाएका छन् ।