वीरगंज । भारतको राजधानी दिल्लीमा आज आइतवार स्थानीय निकाय चुनाव हुँदैछ । कूल २५० वडामा हुने चुनावका लागि १ हजार ३४९ उम्मेदवार रहेका भारतीय सञ्चारमाध्यमले जनाएका छन् । स्थानीय समयअनुसार बिहान ८ बजेदेखि साँझ साढे ५ बजेसम्म मतदान हुनेछ ।

चुनावको नतिजा ७ डिसेम्बरमा आउने जनाइएको छ । चुनावमा १ करोड ४५ लाख मतदाता रहेका छन् ।

स्थानीय निकायमा १५ वर्षदेखि नेतृत्व गरिरहेको भारतीय जनता पार्टी (बीजेपी) फेरि दोहोरिने प्रयासमा छ भने आम आदमी पार्टी (आप) दिल्लीको सत्ताका साथै नगर निगममा पनि दबदबा बनाउने प्रयासमा छ । भारतीय कांग्रेस पनि दिल्लीमा गुमेको सत्ता फर्काउने प्रयासमा छ ।