वीरगंज । काठमाडौंको टोखामा मोटरसाइकल दुर्घटना हुँदा एक जनाको मृत्यु भएको छ। सोमबार राति टोखा नगरपालिका-६ ग्रिनल्यान्ड हरियाली बस्तीमा मोटरसाइकल अनियन्त्रित भएर दुर्घटना हुँदा चालकको मृत्यु भएको छ।

बा.७४ प ५७५९ नम्बरको मोटरसाइकल चालक नुवाकोट पंचकन्या गाउँपालिका-४ बस्ने २६ वर्षीय सबिन कँडेलको मृत्यु भएको हो। दुर्घटनापछि गम्भीर घाइते भएका उनको त्रिवि शिक्षण अस्पताल महाराजगन्जमा उपचारको क्रममा मृत्यु भएको हो।

मोटरसाइकलमा सवार एक जनाको ग्राण्डी अस्पताल टोखामा उपचार भइरहेको छ। दुर्घटनाका सम्बन्धमा प्रहरीले आवश्यक अनुसन्धान गरिरहेको छ।