वीरगंज । मोरङकाे निर्वाचन क्षेत्र नम्बर ६ बाट नेपाली काँग्रेसका नेता डा. शेखर कोइराला निर्वाचित भएका छन् । कोइराला, नेकपा एमालेका लालबाबु पण्डितलाई करिब १३ हजार मतले हराउँदै निर्वाचित भएका हुन् ।

काेइरालाले ३५ हजार २ सय १८ मत ल्याए भने एमालेका पण्डितले २२ हजार ९ सय ३२ मत ल्याएका छन् । राष्ट्रिय स्वतन्त्र पार्टीका यादव कुमार प्रधानले ९५७१ मत पाए भने राप्रपाका गोपाल क्षेत्रीले ८८२९ मत पाएका छन् ।

गत चुनावको बदला लिंदै कोइराला विजयी भए । २०७४ को निर्वाचनमा यही क्षेत्रबाट लालबाबुले शेखर कोइरालालाई हराएका थिए ।