वीरगंज । अमेरिकी अन्तरिक्ष निकाय नासाले बुुधवार बिहान चन्द्रमातर्फ पठाउने तीनवटा रकेटको परीक्षण गरेको छ । ५० वर्षअघि अमेरिकाले अपोलो कार्यक्रमअन्तर्गत अन्तरिक्षयात्रीलाई चन्द्रमा पठाएको थियो । अहिले दोस्रो चरणमा पुनः उसले मानिसलाई चन्द्रमा पठाउन खोजिरहेको हो ।
तीन हप्ताको यो परीक्षण सफल भएमा रकेटले अन्तरिक्षयात्रीहरू बस्ने खाली क्याप्सुललाई चन्द्रमाको कक्षमा लग्नेछ । रकेट क्याप्सुल डिसेम्बर महिनामा पृथ्वीमा फर्किनेछ । निकै वर्षको मेहनत र अर्बौं डलर खर्चपछि अन्तरिक्ष प्रक्षेपण प्रणालीको रकेट केनेडी सेन्टरबाट उडेको थियो ।
यस प्रक्षेपणलाई नासाको आर्टेमिस चन्द्र अन्वेषण अभियानको आरम्भ मानिएको छ । सन् २०२४ सम्ममा चारजना अन्तरिक्षयात्रीलाई चन्द्रमा पुर्याउने अमेरिकाको लक्ष्य हो । अनि सन् २०२५ मा सामान्य मानिसलाई चन्द्रमा लग्ने सोच पनि उसले बनाएको छ । अहिले चन्द्रमामा बस्ती बनाउने लक्ष्यका साथ अमेरिका र चीनले अन्तरिक्षायात्रामा प्रतिस्पर्धा गरिरहेका छन् ।
When we go, we go together.
The #Artemis team wants to thank everyone who helped us along the way toward the first launch of the @NASA_SLS rocket and @NASA_Orion. pic.twitter.com/9dBSBzQ6wI
— NASA Artemis (@NASAArtemis) November 16, 2022
