वीरगंज । बीए प्रथम वर्ष २०७७ को नतिजा प्रकाशित भएको छ । त्रिभुवन विश्वविद्यालय परीक्षा नियन्त्रण कार्यालयले १५ महिनापछि नतिजा सार्वजनिक गरेको हो । मंगलबार २०७८ साउनमा सञ्चालन गरिएको परीक्षाको नतिजा परीक्षा नियन्त्रण कार्यालयले सार्वजनिक गरेको हो ।

यसैगरी, परीक्षा नियन्त्रण कार्यालयले नतिजामा स्थगन र अनुपस्थित देखिएका परीक्षार्थीहरुलाई अध्ययनरत क्याम्पस र सम्बन्धित क्षेत्रीय परीक्षा नियन्त्रण कार्यालयबाट आफ्नो प्रवेशपत्र प्रमाणीकरण गराई मंसिर १० गतेपछि पनिकाको मानविकी गोप्य शाखामा सम्पर्क गर्न अनुरोध गरेको छ ।

एक वर्ष ३ महिनासम्म पनि परीक्षाको नतिजा सार्वजनिक नभएपछि विद्यार्थीहरुले नतिजा सार्वजनिक गर्न दबाव दिएका थिए । कोरोनाको समयमा विद्यार्थीको पायक पर्ने स्थानमा परीक्षा सञ्चालन गर्दा उत्तर पुस्तिका जम्मा गर्न समय लागेको परिक्षा नियन्त्रण कार्यालयको जवाफ थियो ।