वीरगंज । गुल्मीको इस्मा गाउँपालिका १ घर भई हाल ललितपुर महानगरपालिका २५ नख्खुडोल, भैसेपाटीमा डेरा गरी बस्ने २८ वर्षकी जमुना भन्ने वसन्ती कुमालको हत्या गरेको अभियोगमा प्रहरीले उनकै श्रीमानलाई गरेको छ ।

वसन्तीको हत्या अभियोगमा प्रहरीले उनकै श्रीमान २९ वर्षीय राम कुमाललाई पक्राउ गरेको हो । वसन्तीको गएको शनिवार आफ्नै कोठामा झुण्डिएको अवस्थामा शव फेला परेको थियो । रामले श्रीमतीले झुण्डिएर आत्महत्या गरेको भन्दै प्रहरीलाई खबर गरेका थिए ।

घटनास्थल पुगेको प्रहरीले घटना शंकास्पद लागेर अनुसन्धान गर्दा वसन्तीले आत्महत्या गरेको नभई हत्या भएको देखिएको प्रहरीले जनाएको छ । पक्राउ परेका रामविरुद्ध काठमाडौं जिल्ला अदालतमा कर्तव्य ज्यान मुद्दा दर्ता गरिएको छ ।