वीरगंज । मकवानपुरको हेटौंडा उपमहानगरपालिका-४ सुर्य चोकमा शुक्रबार बिहान एक जनाको शव फेला परेको छ।
स्थानीय ४९ वर्षीय शंकरबहादुर थिङ आफ्नै घरमा झुण्डिएको अवस्थामा फेला परेको जिल्ला प्रहरी कार्यालय मकवानपुरका प्रहरी नायव उपरीक्षक एवम् प्रवक्ता टेकबहादुर कार्कीले जानकारी दिए।
थिङको हत्या भएको हो वा उनी आफैंले आत्महत्या गरेका हुन भन्ने विषयमा खुलिनसकेको प्रहरीले जनाएको छ। पोष्टमार्टमका लागि हेटौंडा अस्पतालस्थित शव गृहमा ल्याइएको र घटनाबारे थप अनुसन्धान भइरहेको प्रवक्ता कार्कीले बताए।
