वीरगंज । पाँच दलीय सत्ता गठबन्धनमा आबद्ध प्रमुख चार दलका शीर्ष नेताहरूले गठबन्धनका उम्मेदवारहरूलाई जिताउन अपिल गरेका छन् ।

शुक्रबार प्रधानमन्त्री तथा नेपाली कांग्रेसका सभापति शेरबहादुर देउवा, माओवादी केन्द्रका अध्यक्ष पुष्पकमल दाहाल ‘प्रचण्ड’, एकीकृत समाजवादीका अध्यक्ष माधव कुमार नेपाल र राष्ट्रिय जनमोर्चाका अध्यक्ष चित्रबहादुर केसीले एक विज्ञप्ति जारी गर्दै यस्तो अपिल गरेका हुन् ।

साथै केही स्थानहरूमा देखिएको विवादलाई छलफलद्वारा निष्कर्षमा पुर्‍याउने प्रतिबद्धता पनि उनीहरूले जनाएका छन् ।