वीरगंज । नेपाली कांग्रेसको चुनावी घोषणापत्र कात्तिक १२ गते सार्वजनिक हुने भएको छ।

पार्टी सभापति शेरबहादुर देउवाले कात्तिक १२ गते बिहान १०ः०० बजे ललितपुरस्थित कांग्रेस केन्द्रीय कार्यालयमा घोषणापत्र सार्वजनिक गर्ने कार्यक्रम तय भएको केन्द्रीय कार्यालयका मुख्य सचिव कृष्णप्रसाद पौडेलले जानकारी दिएका छन्।

कांग्रेसले मंसीर ४ गतेको घोषणापत्र सार्वजनिक गर्ने मिति तेस्रो पटक तय गरेको हो। यसअघि कात्तिक ६ गते र ७ गते पनि घोषणापत्र सार्वजनिक गर्ने भनिएको थियो।