वीरगंज । राष्ट्रपति विद्यादेवी भण्डारी र प्रधानमन्त्री शेरबहादुर देउवाले यस वर्षको भाइटीका लगाएनन्।

राष्ट्रपति भण्डारीको माइतीघरमा मरणाशौच परेकाले भाइहरूलाई टीका नलगाइदिएको राष्ट्रपति कार्यालयले जनाएको छ। उनका तीन जना भाइमध्ये दुई अमेरिका र एक नेपालमा छन्।

प्रधानमन्त्री देउवाले भने भ्रातृशोकमा रहेकाले भाइटीका नलगाएको देउवाका स्वकीय सचिव भानु देउवाले जानकारी दिए। प्रधानमन्त्री देउवाका भाइ प्रेमबहादुरको निधन भएको एक वर्ष पुगेको छैन।