वीरगंज । भक्तपुर र अर्घाखाँचीमा नाबालिक बलात्कार आरोपमा दुईजना पक्राउ परेका छन् । भक्तपुरमा ७ वर्षीया बालिकालाई जबरजस्ती करणी गरेको आरोपमा दोलखा बैतेश्वर गाउँपालिका–१ घर भइ भक्तपुर दुवाकोट बस्ने ३० वर्षीय रामचन्द्र दाहाललाई प्रहरीले पक्राउ गरेको छ । \

ती बालिकालाई दाहालले मादक पदार्थ सेवन गरी बलात्कार गरेको उजुरीको आधारमा प्रहरी प्रभाग दुवाकोटबाट खटिएको प्रहरीले उनलाई पक्राउ गरेको हो ।
अर्घाखाँचीमा १२ वर्षीया बालिकालाई बलात्कार गरेको भुमिकास्थान नगरपालिका–६ बराहचौर बस्ने ५९ वर्षीय नुमबहादुर पुनलाई प्रहरीले पक्राउ गरेको छ । प्रहरी चौकी खिल्जिबाट खटिएको प्रहरीले उनलाई पक्राउ गरेको हो ।