वीरगंज । हेर्दै स्वर्गीय आनन्द लाग्ने ठाउँ । मुलद्धारा देखिनै झकिझकाउ । विजुलीमा प्रकृतिका रङ मिसिएर देखिएकोे सप्तरङगीले पुलकित बनाउँछ । अझ दिपावली प्रवेश गरेपछि अर्कै उत्सवमय बन्न पुगेको छ । झिलीमिली वत्तीले भोभा थपिदिएको बगैँचामा खेल्दै गरेका चराचुरुङ्गी, पुतली र भमराले सुगन्ध तानिरहेको छ । यती सुन्दर र मनै लोभिने ठाउँ हो परोपकारी उदारमनाहरुको सहयोगमा हेटौँडा ९ लामसुरेधापमा बनेको मानवसेवा आश्रम अर्थात मानवियताको मन्दिर ।
जहाँ परिवार वा आफन्तले सडकमा लगेर फ्याँकेका र मनोरोगलगायत विभिन्न कारणले आफैँ पनि सडकमा आइपुगेर हेलत्वको जीवन गुजार्न विवस मानिसहरुले खाना, नाना र छाना पाइरहेका छन् । यस मानवीय मन्दिर निर्माणको लागि थोरै नेपाल सरकारको अनुदान र अधिकांश परोपकारी नेपाली मनहरुको हृदयदेखीको सहयोग परेको छ । आश्रमका अभियन्ताहरुले परोपकारी मन पगालेर अथक मेहनतका साथ तयार पारिएको हो उक्त मानवियताको मन्दिरमा अहीलेको अवस्थामा ल्याइपुर्याउन श्रीमतभागवत ज्ञान विज्ञान अनुष्ठान, मह जात्रा, राविन्द्र मिश्रका कविता वाचन लागाएत अनेकौं कार्यक्रमहरु आयोजना गरिएको थियो ।
अहिले यहाँ २०० जना लक्ष्मीनारायणहरु हुन । महिला र पुरुषका लागि छुट्छाछुट्टै भवन छ । आश्रमको दुरदर्शी योजनाअनुसार उनीहरुका लागि दुध खुवाउन गाइपालन गरिएको छ । अर्गानीक तरकारीका लागि करेसाबारी छ । फलफुलका विरुवा समेत रोपिएकामा केही फल्न थालिसकेको छ । आश्रमबाट उत्सर्जन हुने फोहोरलाई व्यवस्थापन गरी आश्रमले एकातर्फ गड्यौंला उत्पादन गरीरहेको छ भने अर्कोतर्फ शौचको सदुपयोग गरी गोवर ग्यास निर्माण बनाई फोहोरलाई ईन्धनमा रुपान्तरण गरिएको छ । आश्रम अगाडि मानवेश्वर धाम बनाउने तयारी थालिएको आश्रमका अध्यक्ष रामजी अधिकारी बताउछन। त्यसका लागि बागमती प्रदेश सरकारबाट एक करोड विनियोजन भएको छ । रिफ्रेसमेन्ट सेन्टरलगायत साँझ गङ्गा आरती गर्न स्थानसमेत बनाउन लागिएको छ । यस्तै आश्रम परिसरमा नै ज्येष्ठ नागरिक मनोरञ्जन केन्द्र बनाउने तयारी छ ।
वृहत र दीर्घकालिन योजनासहित बनेको यो मानवसेवा आश्रमको केन्द्रीय कार्यालय मानवीयताको मन्दिर नभएर अरु के होला रु हाल यहाँ आश्रित व्यक्तिहरुले बारीमा श्रमदान पनि गर्दै आएका छन् । यहाँबाट उत्पादन भएको फोहरबाट गडौँला खेती र इन्धन बचतका लागि गोबर ग्याँस समेत निर्माण गरिएको छ । हाल देशभर भाडामा रहेको मानवसेवा आश्रम आफ्नै भवन निर्माण गरी सर्ने योजना सहित गृहकार्य गरीरहेको छ । हेटौँडा बजारबाट नजिकै ‘१५ मिनेटको दुरी’ हेटौडा ९ लामसुरेधापमा रहेको आश्रमबाट आजमात्रै चार जनालाई आजमात्र पारिवारिक मिलनका लागि भारत लिगिएको आश्रम प्रवक्ता सुमन वर्तौलाले बताए ।
