वीरगंज । प्रतिनिधिसभा अन्तर्गत पर्सा–३ मा नेकपा एमाले र जसपाका साझा उम्मेदवार राजकुमार गुप्ता र सत्ता गठबन्धनका साझा उम्मेदवार सुरेन्द्र चौधरीबीच चुनावी भिडन्त हुने देखिन्छ । एमालेका केन्द्रिय सदस्य एवंम पर्सा जिल्ला सह इन्चार्ज तथा संविधान सभा सदस्य समेत रहेका गुप्ता र कांग्रेसका केन्द्रीय सदस्य एवंम पूर्व मन्त्री रहेका चौधरी बीचको प्रतिस्पर्धालाई निकै चाखका साथ हेरिएको छ ।पर्सा –३ मा दुवैतर्फका उम्मेदवार जिल्लामा लोकप्रिय नेताका रुपमा परिचित छन् । ०७० मा पहिलो पटक पर्सा ३ मा एमालेको झण्डा गाडेका गुप्तालाई यसपटक सत्ता गठबन्धन चुनौतीको खासै बलियो बन्ने देखिँदैन । ०७४ को चुनावको एमाले प्रति भ्रम सृजना गरी जसपाले पर्सा ३ मा चुनाव जित्न सफल भएको थियो भने यस पालि त्यस्तो कुनै अवस्था नरहेको र सम्पूर्ण क्षेत्र बासीहरुले एमाले प्रति लागेकोले यस पालि एमालेले जित्ने पक्का पक्की भएको अवस्था देख्न थालिएको छ ।यस पालि जसपा पनि एमाले सँगै रहेको र पर्सा ३ मा जसपा जितेकोले समीकरणमा उलटफेर भएकोले एमाले नै जितको अवस्थामा रहेको क्षेत्र बासीहरुको अनुमान छ । सत्तारुढ गठबन्धनले यो क्षेत्रको प्रदेशसभा (क) तर्फ माओवादीका छोटेलाल यादव र (ख) मा नेपाली कांग्रेसका पर्सा जिल्ला सभापती जनार्धन सिंह क्षेत्रीलाई उम्मेदवार बनाएको छ । यस्तै एमाले र जसपाको गठबंधनबाट प्रदेशसभा (क) मा एमालेका मंजूर अंसारी र (ख) मा जसपाकी डा. मधु गुप्ता कुर्मीलाई उम्मेदवार बनाएको छ ।

पर्सा – ३ को तेस्रो र चौथो शक्ति नेपाल सुशासन पार्टी र स्वतंत्र उम्मेदवार पनि एक्लाएक्लै चुनावी मैदानमा छन् । नेपाल सुशासन पार्टीबाट राजकुमार यादव र स्वतंत्रबाट ११ जना चुनावी मैदानमा छन् । अहिलेसम्म पर्सा –३ मा कांग्रेसले ३ , एमालेले १ र जसपाले १ पटक चुनाव जितेका छन् । एमालेले ०७० मा , जसपाले ०७४ मा र बाँकी चुनावमा कांग्रेसले विजयी हासिल गरेको हो । ०७० मा पर्सा – ३ बाटै एमालेका राजकुमार गुप्तासंग कांग्रेसका केन्द्रीय सदस्य अजय चौरसिया पराजित भएका थिए ।पर्सा ३ मा पोखरिया नगरपालिकाको वडा नं ३ बाहेक सबै , बहुदरमाई नगरपालिकाको १,५,७,८ र ९ , बिन्दबासिनी गाउँपालिका , पकाहाँ मैनपुर गाउँपालिकाको वडा नं ५ बाहेक सबै , सखुवा प्रसौनी गाउँपालिका र पटेर्वासुगौली गाउँपालिका पर्छन् । पकाहाँमैनपुर गाउँपालिकामा कांग्रेसले प्रमुख , उपप्रमुख सहित ४ वटा वडा जितेको छ । बिन्दबासिनीमा प्रमुख लोसपा, उपप्रमुख एमाले , वडा नं १ जसपा , २ ,३ र ४ कांग्रेस र ५ माओवादी जितेको छ । बहुदरमाईमा नगरप्रमुख जसपा , उपप्रमुख एमाले , वडा नं १ , ८ र ९ कांग्रेस , ५ एमाले , ७ जसपा जितेको छ । पोखरियामा नगरप्रमुख , उपप्रमुख एमाले , वडा नं १ , २ र ५ एमाले , ४ , ६ , ७ , ८ र १० कांग्रेस र वडा नं ९ सुशासन पार्टीले जितेको छ । सखुवाप्रसौनी गाउँपालिका अध्यक्ष एमाले , उपाध्यक्ष जसपा , वडा नं १ र ४ एमाले , २ र ६ जसपा र ३ , ५ कांग्रेसले जितेको छ । पटेर्वासुगौली गाउँपालिका अध्यक्ष र उपाध्यक्ष कांग्रेस , वडा नं २,३,४,५ कांग्रेस र वडा नं १ एमालेले जितेको छ । यसरी समीकरण हेर्दा सात गठबन्धन तर्फ प्रमुख र उपप्रमुख काँग्रेसले २ पालिका अध्यक्ष र २ उपाध्यक्ष जितेको छ भने लोसपा १ गाउँपालिका अध्यक्ष जितेको छ । यसरी हेर्दा सात गठबन्धन तर्फ ५ जना प्रमुख उपप्रमुख छन् ।

यता एमालेले १ नगरप्रमुख र १ गाउँपालिका अध्यक्ष , २ उपप्रमुख र १ पालिका उपाध्यक्ष जितेको छ भने जसपाले १ नगर प्रमुख र १ पालिका उपाध्यक्ष जितेको छ । यसरी हेर्दा एमाले र जसपा गठबंधनका ३ प्रमुख र ४ उपप्रमुख गरी ७ जना प्रमुख र उपप्रमुख छन् । यसरी नै हेर्दा एमाले बलियो रहेको अनुमान गरिएको छ । यस आधारमा सत्तारुढ गठबन्धनका उम्मेदवार चौधरीसंग एमालेका उम्मेदवार गुप्ता धेरै अगाडि रहेका क्षेत्र वासीहरु र बुद्धिजिवीहरुले अनुमान लगाएका छन् । स्थानीय निर्वाचनको मत परिणाम हेर्दा कांग्रेस पर्सामा कमजोर देखिन्छ । यहाँ एमालेको पक्षमा जनलहर रहेको देखिदै छ । पर्सा ३ मा हामीले तमाम काम गरेपछि मतदाता हाम्रो समर्थनमा उत्रिनु भएको छ । यहाँ विपक्षी पार्टीको खासै प्रभाव पनि छैन,’ नेता गुप्ता भन्छन् । ०७० मा जितेको भन्दै यसपटक तेब्बर मतले जित्ने उनको दाबी छ । आम निर्वाचनका लागि विपक्षीले दिएका उम्मेदवार हाम्राभन्दा निकै कमजोर छन् । गठबन्धनभित्र निकै ठूलो अन्तरविरोध छ,’ उनी भन्छन् । नेता गुप्ताले गठबन्धनले चुनाव जित्नेमा द्विविधा रहेको बताए । ‘गठबन्धनमा धेरै समस्या छ । तर हाम्रो पार्टी एकताबद्ध भएर अघि बढेको छ,’ उनी भन्छन्, ‘पर्सा क्षेत्र नं ३ का मतदाताले काम नलाग्ने नेतालाई प्रत्येक निर्वाचनमा सांसद परिवर्तन गर्नेछन् । यस पटक साता गठबन्धनबाट शानदार ढंगले चुनाव जित्छु नेता गुप्ताले बताए ।’