वीरगंज । पाकिस्तानको निर्वाचन आयोगले पूर्वप्रधानमन्त्री इमरान खानलाई आगामी पाँच वर्ष चुनाव लड्न नपाउने गरी लगाएको छ। गठबन्धन सरकारले विदेशी प्रतिष्ठित व्यक्तिहरूबाट पाएको उपहार बिक्रीबाट प्राप्त रकमको विवरण सार्वजनिक नगरेको आरोप लगाउँदै उक्त आदेशको माग गरेको थियो। सोही अनुसार आयोगले गैर कानुनी रूपमा उपहार बेचेको आरोपमा सार्वजनिक पदमा बस्नबाट रोक लगाइदिएको हो।

खानले यसअघि यो मुद्दा राजनीतिक रूपमा प्रेरित भएको बताएका थिए। उनका वकिलहरूले आयोगको फैसलालाई उच्च अदालतमा चुनौती दिने बताएका छन्। निर्वाचन आयोगको पाँच सदस्यले गरेको सर्वसम्मत निर्णय पूर्व प्रधानमन्त्रीका लागि ठूलो झट्का भएको बीबीसीले टिप्पणी गरेको छ।

उनले गत महिना प्रधानमन्त्रीको रूपमा आफ्नो कार्यकालमा प्राप्त गरेका कम्तीमा चार उपहारहरू बेचेको स्वीकार गर्दै सो रकम आफ्नो आयकर रिटर्नमा समावेश गरिएको बताएका थिए। उपहारहरूमा रोलेक्स घडीहरू, एउटा औँठी र कफ लिङ्कहरूको एक जोडी समावेश थियो। सरकारी अधिकारीहरूले ओहदामा हुँदा प्राप्त सबै उपहारहरू घोषणा गर्नुपर्छ तर तिनीहरूलाई निश्चित मूल्यभन्दा कम राख्न अनुमति दिइन्छ।