वीरगंज । भारतको मध्य प्रदेशमा सडक दुर्घटना हुँदा १४ जनाको मृत्यु भएको छ । यात्रु बस र ट्रक एकआपसमा ठोक्किँदा १४ जनाको मृत्यु र ४० जना घाइते भएका छन् ।

यात्रुहरू तिहार मनाउन घरतिर फर्किरहेको बेला दुर्घटना भएको भारतीय सञ्चारमाध्यमले जनाएका छन् ।बस मध्य प्रदेशबाट उत्तर प्रदेशतिर आइरहेको थियो । दुर्घटनामा घाइते भएकाहरूलाई अस्पताल भर्ना गरिएको छ ।

घटनापछि मध्य प्रदेशका मुख्यमन्त्री शिवराज सिंह चौहानले दुःख व्यक्त गरेका छन् । चौहानले उत्तर प्रदेशका मुख्यमन्त्री योगी आदित्यनाथसँग पनि कुराकानी गरेका छन् ।