वीरगंज । पर्साको पटेर्वा सुगौली गाउँपालिकामा रहेका सामुदायिक विद्यालयहरुमा निजीस्रोतमा कार्यरत शिक्षकहरुले तलबभत्ताकाे माग गर्दै पालिकामा ज्ञापनपत्र बुझाएका छन् । चाडबाडका बेला पनि ३ महिना देखि तलबभत्ता नपाएकाे भन्दै उनिहरुले साेमबार गाँउपालिकाका प्रमुख प्रशासकीय अधिकृत सन्देश कुमार यादवलाई ज्ञापनपत्र बुझाएका छन् ।
विना सूचना गत साउन देखी असोज सम्म पालिकाले तलब भत्ता रोकिदा शिक्षकहरु समस्यामा परेकाे नेपाल शिक्षक महासंघकाे पटेर्वा सुगौली कार्य समिति अध्यक्ष हरिराज प्रसाद यादवले वताए । ज्ञापनपत्र बुझ्दै प्रमुख प्रशासकिय अधिकृत यादवले निष्ठापूर्वक विधालयमा काम गरेका निजी स्रोत शिक्षकहरुको पारिश्रमिक गाउँकार्यपालिका र सरोकारवालासंग पहल गरेर दिने प्रतिकृया दिए ।
साथै पालिका अन्तर्गत कार्यरत कार्यालय सहयोगीहरुको तलब वृद्धि गर्न समेत ज्ञापनपत्रमा मांग गरिएको नेपाल शिक्षक संघ कार्य समिति अध्यक्ष यादवले वताए ।
