हेटौंडा । बागमती प्रदेश प्रहरी कार्यालयले हेटौंडामा ६७ औँ प्रहरी दिवस मनाइएको छ। मुख्यमन्त्री राजेन्द्रप्रसाद पाण्डेको प्रमुख आतिथ्यतामा प्रदेश प्रहरी कार्यालयले आयोजना गरेको कार्यक्रममा आन्तरिक मामिला तथा कानूनमन्त्री कृष्णप्रसाद शर्मा खनाल, कानून सचिव नारायणप्रसाद शर्मा,

जिल्ला समन्वय समितिका प्रमुख ललितबहादुर घलान, मकवानपुरका प्रमुख जिल्ला अधिकारी राजेन्द्रदेव पाण्डे, हेटौंडा उपमहानगरपालिका उपमेयर राजेश बानियाँलगायत सशस्त्र प्रहरी बल, नेपाली सेना र राष्ट्रिय अनुसन्धानका उच्च पदस्थ अधिकारीको सहभागिता थियो ।

कार्यक्रममा मुख्यमन्त्री पाण्डेले अमर प्रहरी स्मारकमा पुष्पहार अर्पण गरे । सो पश्चात कार्यक्रममा सहभागीहरुले अमर प्रहरी स्मारकमा माल्यापर्ण गरेका थिए । कार्यक्रममा उत्कृष्ठ प्रहरी अधिकृत, प्रहरीलाई विभिन्न तवरबाट सहयोग पुर्‍याउने संघ संस्था, प्रहरीका परिवारलगायतलाई सम्मान गरिएको थियो ।