वीरगंज । डोटीमा केआई सिंह राजमार्ग दुई दिनदेखि अवरुद्ध छ। जिल्लाको शिखर नगरपालिका–६ लुवाखोडीका अमर मल्ल मृत भेटिएका थिए। उनको हत्या भएको भन्दै आफन्तले केआई सिंह राजमार्ग अवरुद्ध गरेका हुन्।

उनको शव गत असोज १६ गते लुवाखोडी पुलमुनि भेटिएको थियो। उक्त घटनाको प्रहरीले अनुसन्धान नगरेको भन्दै स्थानीयले सडक अवरुद्ध गरेका डोटी प्रहरीले बताएको छ।

सडक अवरुद्ध हुँदा धेरै यात्रु अलपत्र परेका छन्। एक जनालाई पक्राउ गरी घटनाको अनुसन्धान भइरहेको प्रहरीको दाबी छ। मृतक मल्लका अफन्त र प्रहरीबीच अहिले सवारी सञ्चालनका लागि छलफल भइरहेको जिल्ला प्रहरी कार्यालय डोटीले जनाएको छ।