वीरगंज । धनुषामा कटुवा पेस्तोलसहित एकजना पक्राउ परेका छन् ।

सबैला नगरपालिका–१२, नहर चोकस्थित मैनाथपुर–वीरेन्द्रबजार सडकबाट एकथान पेस्तोलसहित सिरहाको गोलबजार नगरपालिका–७, चोहर्वा बस्ने ३५ वर्षीय रामसागर ठाकुर पक्राउ परेका हुन् ।

इलाका प्रहरी कार्यालय सबैलाबाट खटिएको टोलीले प्र २–०१–००२ प ३७२० नम्बरको मोटरसाइकल जाँच गर्ने क्रममा मोटरसाइकलमा सवार रामसागरले प्रहरी टोलीलाई देख्नासाथ हातमा बोकेको झोलासहित भाग्न खोजेपश्चात् उनलाई नियन्त्रणमा लिई तलासी गर्दा झोलाभित्र उक्त पेस्तोल फेला पारी पक्राउ गरेको जनाइएको छ । हाल फरार रहेका मोटरसाइकल चालकको प्रहरीले खोजी गरिरहेको छ ।