वीरगंज । पर्सा क्षेत्र नम्बर १ (क)को नेकपा एमालेका अगुवा कार्यकर्ताहरुको भेला तथा पार्टी प्रवेश कार्यक्रम सम्पन्न भएको छ । मधेश प्रदेशका सह ईन्र्चाज एवं पुर्व खेलकुद मन्त्री पुरुषोत्तम पौडेलको प्रमुख आतिथ्यमा कार्यक्रम सम्पन्न भएको हो । कार्यक्रममा नेकपा एस का नेता जलन्धर कुर्मीको नेतृत्वमा दुई सय भन्दा बढि नेता कार्यकर्ताहरु एमाले प्रवेश गरेका छन ।

कार्यक्रममा नेकपा एमालेका पर्सा ईन्र्चाज प्रभु हजरा, सह ईन्र्चाज अरबिन्द सिंह, निर्मला देवकोटा, पर्सा अध्यक्ष जयप्रकाश थारु , प्रदेश सभा सदस्यका उम्मेदवार बिचारी यादव लगायतकाले धारणा राखेका थिए । कार्यक्रमलाई सम्बोधन गर्दै प्रमुख अतिथी पौडेलले देश बिकाशको लागि एमालेको सरकार आवश्यक रहेको बताए । उनले काँग्रेस नेतृत्वको गठबन्धन देशको अहितमा रहेकोको समेत आरोप लगाए । वृद्धा भता,हुलाकी सडक लगायत देशमा ठुलठुला योजनाहरु एमालेले ल्याएको बताउदै मंसिर ४ गते पनि एमालेलाई पुर्ण बहुमतका साथ बिजयी गराउन आग्रह गर्नुभयो ।

पर्सा क्षेत्र नम्बर १ (क)का जनताले योग्य ,ईमन्दार उम्मेदवारको रुपमा बिचारी यादवलाई पाएको भन्दै बिकाश पुरुष बिचारी यादवलाई बिजयी गराउन आग्रह गरे । उनले जनताको दुखसुखमा अहोरात खट्ने बिचारी यादवलाई बिजयी गराए मात्र यो क्षेत्रको बिकाश हुन सक्ने तर्क राखे । शाह दरबारमा सम्पन्न कार्यक्रमम पर्सा क्षेत्र नम्बर १ (क)का अगुवा कार्यकर्ताको उपस्थ्तिी थियो । कार्यक्रमको सहजीकरण वीरगंज महानगरका सचिव सुन्दर कुर्मीले गरेका थिए ।