वीरगन्ज । नेकपा एमाले पर्सा क्षेत्र नम्बर ३ का प्रतिनिधि सभा सदस्यका उम्मेदवार एवम केन्द्रिय सदस्य राजकुमार गुप्ताले घरदैलो कार्यक्रममा आफ्नो सक्रियता बढाएका छन् । केन्द्रिय सदस्य गुप्ताले घरदैलोको आज दोश्रो दिन पकाहामैनपुर गाँउपालिकाको वडा नम्बर १ र २ अन्तरगतका टोलहरु धोरे , मधुबनी , सुर्जाहा, मानिकपुर लगायतको गाँउहरुमा घरदैलो कार्यक्रम गरेका छन । घरदैलो कार्यक्रममा गाउँबासीहरुले नेपाली कांग्रेसको सरकारले शिक्षा , स्वास्थ्य , कृषि एवं पूर्वधार विकासमा ध्यान नदिई मात्र कार्यकर्ता पालन पोषणमा लागेको आरोप सहित गुनासो गरेका थिए । गाउँबासीहरुको गुनासो सुन्दै नेता गुप्ताले अब आउने चुनावमा जनताको पक्षमा काम गर्न नेकपा एमालेलाई मतदान गर्न अनुरोध गरेका थिए । नेता गुप्तालाई उत्साहित जनताहरूले गाउँ गाउँमा फूलमाला , अबिर लगाई स्वागत गरेका थिए । नेता गुप्ताले पर्सा क्षेत्र नम्बर ३ को बिकाशको लागि एमाले नेतृत्वका सरकार आवश्य पर्ने भएकोले एमालेलाई बिजयी गराउन आग्रह गर्नुभयो । क्षेत्र नम्बर ३ को बिकाशको लागि आफु पहिला देखि नै कार्यहरु गर्दै आएको र अधुरा बिकाश निर्माणको काम पुरा गर्न पुनः जिताउन नेता गुप्ताले आग्रह गर्नुभयो ।कार्यक्रममा नेकपा एमाले र जसपाका साझा प्रदेश सभा सदस्य(ख)का उम्मेदवार डा. मधु गुप्ता , एमाले जिल्ला कमिटीका उप सचिव संजिव मिश्रा,राष्ट्रिय युवा संघ पर्सा अध्यक्ष मोहमद निजाम , युवा संघका केन्द्रिय सदस्य रवि गुप्ता , नेता शिव पटेल , गाउँपालिका कमिटीका इञ्चार्ज विकास पाण्डेय ,उपाध्यक्ष कृष्ण कुशवाहा ,सचिव राजेश सहनी, पुर्व गाँउपालिका अध्यक्ष एवम पकाहामैनपुर गाउँपालिका निर्वाचन कमिटी अध्यक्ष बिचय चौरसिया , नेता हनिफ अंसारी , गम्भिरा साह , दीनानाथ साह , रामबाबु चौरसिया , लगायत सयौं नेता तथा कार्यकर्ताहरुको सहभागिता थियो ।