वीरगंज । पर्सा प्रहरीले २८ लाख ५६ हजार भारतीय रुपैयाँसहित तीन जना नेपाली महिलालाई पक्राउ गरेको छ । पक्राउ पर्नेमा नुवाकोटका ४५ वर्षीया अनिता तामाङ, ३० वर्षीया मञ्जु तामाङ र ४४ वर्षीया सरिता अग्रवाल रहेका छन् ।

प्रहरीका अनुसार अनिताको साथबाट २८ लाख र मञ्जुको साथबाट २८ लाख ५६ हजार भारतीय रुपैयाँ बरामद भएको छ । भारतको रक्सौलबाट वीरगञ्जतर्फ आइरहेका उनीहरु तीन जनालाई नियन्त्रणमा लिएर प्रहरीले खानतलासी लिएको थियो ।

अनिताको साथबाट २ हजार दरका ५५ थान र ५ सय दरका ५ हजार ३८० थान भारतीय रुपैयाँ बरामद भएको थियो । यस्तै मञ्जुको साथबाट ५ सय दरका ११२ थान नोट फेला परेको प्रहरीले जनाएको छ । ५ सय दरको भारतीय नोट प्रतिबन्धित छ ।