जनकपुरधाम । जनकपुरधाममा आइतबारदेखि दोस्रो अन्तर्राष्ट्रिय जनकपुर महोत्सव सुरु भएको छ । सिया इभेन्टले आयोजना गरेको दोस्रो अन्तर्राष्ट्रिय जनकपुर महोत्सव आइतवारदेखि सुरु भएको छ ।

जनकपुरधामको उद्योग वाणिज्य संघको प्राङ्गणमा सुरु भएको सो महोत्सव आगामी असोज २९ गतेसम्म चल्ने जनाइएको छ । महोत्सवमा नेपाल, भारत, बंगलादेश र पाकिस्तानका व्यापारीहरु सहभागी रहेको सिया इभेन्टका प्रबन्ध निर्देशक राकेश महतोले जानकारी दिए ।

महोत्सवको एक कार्यक्रमबीच आइतबार जनकपुरधाम उद्योग वाणिज्य संघका अध्यक्ष जितेन्द्र महासेठले उद्घाटन गरे । प्रबन्ध निर्देशक महतोले यस महोत्सवमा विभिन्न किसिमका कपडा, घरायसी सामान, विभिन्न सामग्रीको प्रदर्शन तथा बिक्री वितरण हुने बताए । महोत्सवमा ५० वटा स्टलहरु रहेका छन् ।