वीरगंज । दलिय गठबन्धबाट जसपा आउट हुने देखिएपछि लोसपा गठबन्धनमा प्रवेश गर्ने चाहना प्रकट गरेको छ । लोसपाले नेकपा एमालेसँग चुनावी तालमेल गर्न समिति गठन गरेको भएपनि पछिल्लो घटना क्रमले जसपा र एमाले बिच तालमेल हुन सक्ने संकेत देखा परेपछि लोसपाले सत्तादारी गठबन्धनमै समहित हुने देखिएको छ । एमालेसँग लोसपाले छलफल गर्दै आएको भएपनि एमालेका अनुसार अनुसार सत्ता गठबन्धन कायमै रहने हो भने लोसपासँग तालमेल गर्दा परिणाम खासै परक पर्नै देखिएन । सिट भने लोसपाले धेरै मागेको छ ।

‘महन्थ ठाकुर, राजेन्द्र महतो, सर्वेन्द्रनाथ शुक्ल लगायतका नेताहरुलाई छाड्न सकिन्छ, तर सबै नेता व्यवस्थापन गर्न सक्दैनौं’ एमालेका नेताहरुले बताउँदै आएका छन् । सिट भगबण्डामा कुरा नमिलेपछि एमाले र जसपाबीच चुनावी सहकार्यकारे छलफल सुरु भएको छ । गठबन्धनबाट जसपा आउट भए लोसपालाई सजिलै गठबन्धन भित्र इन्ट्री हुने सम्भावना बढेको छ । उसले धेरै सिटपनि मागेको छैन् । त्यसकारण सत्तारुढ गठबन्धनसंग तालमेल गर्ने लोसपा अगाडी सरेको छ राजेन्द्र महतोको नेतृत्वमा ६ सदस्यीय समिति गठन गरिएको श्रोतले जनाएको छ ।

लोसपालाई गठबन्धनमा ल्याएर बाकी रहेको सिटमा नेपाली काग्रेस,माओवादी केन्द्र र नेकपा एकिकृत समाजवादी पार्टीलाई व्यवस्थापन गर्ने बारे गठबन्धन भित्र छलफल शुरु भएको छ । आइतवार मनोनयन दर्ता हुने कार्य सूची रहेको कारण नेताहरु चुनाव तालमेललाई छिटो भन्दा छिटो मुर्तरुप दिन नेता कार्यकर्ताहरुको दवाव बढदै गएको छ ।