वीरगंज । मधेश प्रदेश सभा सदस्यमा पर्सा निर्वाचन क्षेत्र ४ को “ख” बाट निर्वाचित भएका सांसद सिंगासन साह कलवार फेरी आफ्नो विरासत बचाने तयारीमा छन् । पर्सा निर्वाचन क्षेत्र ४ को “ख” बाट २०७९ काे निर्वाचनमा भाग लिने घोषणा गरी सकेका कलवारलाई पार्टी हाई कमानले पनि टिकट दिने ग्रिन सिग्नल दिइसकेको छ । पार्टीको निर्देशन अनुसार नै उनी आफ्नो चुनावी तयारीमा जुटी सकेका जसपाका नेता कार्यकर्ताहरुको भनाई रहेको छ । निवर्तमान बिधायक कलवारको लोकप्रियताका कारण पार्टीले उनलाई फेरी निर्वाचनमा उत्रार्ने तयारी गरेको छ । पर्सा क्षेत्र ४ मा असल समाजिक व्यक्तित्व तथा विकासवादी नेताको रुपमा छवी बनाउँन सफल रहेका नेता सिंगासन साह कलवार आफ्नो प्रतिष्ठा जोगाउन यस पटक पनि सफल रहने पार्टी पर्साका जिल्ला स्तरका नेताहरुको भनाई छ । कालवार जनता समाजवादी पार्टी पर्साका इन्चार्ज पनि हुन् ।

पार्टीले जनताको बिचमा आफ्नो छवी बिगार्ने नेताहरुलाई टिकट नदिने घोषणा गरी सकेको कारण पनि आफुलाई टिकट पाउँने पक्का रहेको कलवारको भनाई छ । कलवार निर्वाचित भएका क्षेत्रका जनताहरुले समेत, उनलाई फेरी एक पटक निर्वाचनमा सहभागी गराउँन पार्टीलाई दवाव दिएका थिए । सो क्षेत्रका वासिन्दाहरुका अनुसार उनको जित यस पटक पनि पक्का रहेको छ । आफ्नो क्षेत्रको सडम सञ्जालको विकास,पुल तथा कलभर्टहरुको निर्माण,सिचाई कार्यक्रम, जनता अवास कार्यक्रम,मन्दिर सौन्दर्यकरण,स्वच्छ खानेपानी विकास कार्यक्रम,शिक्षाको विकास कार्यक्रम लगायतका बहुचर्चित परियोजनालाई मुर्तरुप दिन सफल भएका नेता कलवारको चर्चा यस पटक पनि खुबै जोरसोरका साथ भइरहेको छ । दलित वस्तीहरुमा जनता अवास कार्यक्रम अन्तर्गत १३६ परिवारलाई घर हस्तान्तरण,चरगाहा माविलाई प्राविधिक स्कुलमा स्तरउन्नती , २५ सय भन्दा बढी घर परिवारलाई लाभान्वित हुने गरी स्वच्छ खानेपानीका लागि हैण्ड पाइव जडान,क्षेत्र भित्रका मन्दिरहरुको सौन्दर्यकरण,कृषि विकासका लागि १५ भन्दा बढी स्टेट वोरीङ्ग जडान,पोखरिया देखि मिर्जापुर सम्मको १२ किलो मिटर रोडमा कालोपत्रे, सबैठवा देखि चरगाहा हुदै मिर्जापुर सम्म १३ किलो मिटर सडकको कालोपत्रे तथा थुपै सना ठूला सडक सञ्चाल जोडने कार्यमा सफल रहेका नेता कलवार जनताहरुका बिचमा विकासवादी नेताको रुपमा परिचित रहेका छन् ।

पटक पटक विवादमा मुछिए पनि नेता कलवारले ती सबै बिपक्षीहरुले फैलाएका हल्लाहरु रहेको बताउँदै आएका छन् । आफ्नो क्षेत्रको विकास हेरेर बिपक्षीहरु समेत बिचलित भएका कारण बेला बखतमा हवादारी हल्लाहरु फैलाउँने गरेको उनको टिप्पणी छ । कलवारले आफु जनताको सेवक तथा जनताद्वारा चुनिएका जनप्रतिनिधि भएका कारण जनता प्रति सदैव जिम्मेवार रहेको दावी गदै आएका छन् । चुनावको बिषयमा प्रतिक्रिया दिदै नेता कलवारले आफु स्वच्छ प्रतिस्पर्दा गर्न तयार रहेको तथा जनताको विकास प्रतिको विश्वास जोगाउँन जस्तो सुकै कठिन चुनौतीसँग भिडन पछि नहटने नेपाल पोष्टलाई बताए ।