वीरगंज । संखुवासभाको सभाखोलामा नुहाउन गएका बाबुछोरा बेपत्ता । संखुवासभा : खाँदबारी नगरपालिका –९ तुम्लिङटार स्थित सभाखोलामा नुहाउन गएका बाबु–छोरा बेपत्ता भएका छन्। बेपत्ता हुनेहरूमा खाँदबारी –७ का ४० वर्षीय तारानाथ काफ्ले र उनका छोरा १५ वर्षीय सनम काफ्ले रहेको जिल्ला प्रहरी कार्यालय संखुवासभाका डिएसपी वीरेन्द्र गोदारले जानकारी दिए।सोमबार दिउँसो आफ्नै गाडी लिएर सभाखोला गएका उनीहरू घर नफर्किए पछि मंगलबार बिहान आफन्तले प्रहरीलाई खबर गरेका थिए।बेपत्ता बाबु छोरा खोजीकार्य भइरहेको प्रहरी डिएसपी गोदारले बताए। डिएसपी गोदारका अनुसार सभाखोला किनारमा प्रदेश १–०२–००२ च ५९२० नम्बरको बोलेरो जिप, कपडा, जुत्ता, मोबाइल, साबुन लगायत सामग्री भेटिएको छ। बेपत्ताहरूको खोजी कार्यमा दुई जना प्रहरी निरिक्षकको कमाण्डमा विभिन्न स्थानमा प्रहरी टोली बिहान देखिनै खोजी कार्य तिव्र पारिएको डिएसपी गोदारले बताए। बेपत्ता भएका काफ्ले अरुण तेस्रो आयोजनामा सवारी चालकको रुपमा कार्यतर रहेका थिए।

यस्तो छ भोलीको दशैको टीकाको साइत
यस वर्षको बडा दशैंको साइत असोज १९ गते ११ः५१ मा उत्तम रहेको नेपाल पञ्चाङ निर्णायक समितिले जनाएको छ । समितिका अनुसार असोज १९ गते १० बजेर ३४ मिनेटमा देवी विसर्जन गर्ने र ११ः५१ टिका लगाउँदा उत्तम हुनेछ । उक्त दिन दिनभर नै टिका ग्रहणको लागि उपयुक्त रहेको समितिले जनाएको छ । भनिन्छ, टीका लगाउँदा चन्द्रमालाई दाहिने र सम्मुख पार्दा शुभ हुन्छ । अहिले शुक्र पूर्वतिर भएकाले टीका लगाइदिने मान्छे पूर्वतिर फर्किने र लगाउने मान्छे पश्चिम फर्कन उपयुक्त हुने ज्योतिषहरुले बताएका छन् । दैत्यका गुरु शुक्राचार्य भएकाले बिघ्न बाधा नपरोस् भनि शुुक्रलाई पछाडि पारेर टीका लगाउने प्रचलन छ ।

शुक्राचार्यले दैत्यको पक्षमा काम गर्ने विश्वासले विजयका बेला शुक्राचार्यको वेवास्ता गर्ने प्रचलन रहिआएको हो । यस्तै चन्द्रमालाई सम्मुख वा दाहिने पारेर पनि टीका लगाउन उपयुक्त मानिन्छ । विजयादशमी आफैँमा शुभ दिन भएकाले टीका लगाउन सामान्य मानिसले साइत खोज्नु नपर्ने पञ्चाङ्ग निर्णायक समितिले जनाएको छ । मान्यजनबाट दुर्गाको प्रसादका रुपमा टीका ग्रहण गर्दा अन्य फूलका साथै घटस्थापनाका दिनमा वैदिक विधिपूर्वक राखिएको पहेँलो जमरालाई समृद्धिको प्रतीकको रुप मानी लगाउने गरिन्छ ।