वीरगंज । वीरगञ्ज कलैया सडकखण्डमा सवारी दुर्घटना हुँदा एक जना गम्भिर घाइते भएका छन् । बाराको फेटा गाउँपालिका वडा नम्बर ३ भलुही चौकस्थित पेट्रोल पम्प अगाडी सवारी दुर्घटना भएको हो । ना. १ क २८२७ नम्बरको हरिखेतान बहुमुखी क्याम्पसको बसलाई पछाडीबाट ना. ३९ प ३९५२ नम्बरको पल्सर मोटरसाइकलले ठक्कर दिँदा दुर्घटना भएको हो ।

बिहिवार बिहान करिब साढे ९ बजेतिर भएको दुर्घटनाका क्रममा ठक्कर दिने मोटरसाइकलका चालक सर्लाहीको बलरा नगरपालिका निवासी शैलेन्द्र कुमार साह सकुशल छन् भने अर्काे ठोक्किन पुगेको ना. ५१ प् २७२७ नम्बरको सुपरस्पलेण्डर मोटरसाइकलका चालक बाराको महागढीमाई नगरपालिका वडा नम्बर ११ निवासी २५ वर्षीय रामजी साह घाइते भएका छन् ।

उनको टाउको तथा खुट्टामा चोट लागेको छ । परवानीपुर ५ नौतनस्थित एलएस न्यूरो एण्ड जेनरल हस्पिटलमा उनको उपचार भइरहेको छ ।