वीरगंज । पर्साको पटेर्वा सुगौली गाउँपालिकामा रहेका समुदायिक विद्यालयहरुमा सन्चािलत दिवा खाजा कार्यक्रमको अनुगमन सुरु गरिएको छ । शिक्षा विकास तथा समन्वय ईकाई कार्यालय पर्साका प्रमुख समन्वय विकास अधिकारी फत्ते बहादुर श्रेष्ठ र पटेर्वा सुगौली गाउँपालिका शिक्षा शाखा प्रमुख शम्भु प्रसाद साह सहितकाे टाेलीले शुक्रबार देखि विद्यालयहरुमै पुगेर दिवा खाजा कार्यक्रमकाे बारेमा अनुगमन शुरु गरेकाे हाे ।
सामुदायिक विधालयमा बाल विकास देखि कक्षा ६ सम्मको छात्रा छात्रका लागि दिवा खाजा कार्यक्रम सन्चालित छ । अनुगमन टाेलीले विधालयमा पुगेर कालबालिकाले राम्रोसँग दिवा खाजा खाएको नखाएको , खाजाकाे ब्यवस्थापन राम्राे भए नभएकाे बारेमा अनुगमन गर्न थालेकाे शिक्षा शाखा प्रमुख साहले बताए । शुक्रबार नेपाल राष्ट्रिय माध्यमिक विद्यालय निचुटा,नेपाल राष्ट्रिय माध्यमिक विद्यालय सुगौली दाप र गादिमाई आधारभुत विद्यालयमा पुगेर अनुगमन गरिएको शिक्षा शाखा प्रमुख साहले बताए ।
पर्साको शिक्षा समन्वय विकास अधिकारी फत्ते बहादुर श्रेष्ठले खाजा खाने बहानामा विधालयबाट घर जाने बालबालिकाहरु दिवा खाजा कार्यक्रमका कारण अहिले घर नगइ विद्यालयमै उपलब्ध खाजा खाने गरेकाे र यसले उनिहरुकाे पठनपाठनमा असर नपरेकाे बताए ।
विद्यालय शिक्षाबाट कुनै पनि बालबालिका बन्चित नहोस् र आधारभूत शिक्षा सबैले सहज रुपमा प्रदान गर्दा बालबालिकाहरु दिवा खाजाले विद्यालयमा नियमित आउने गरेको प्रतिक्रिया पनि उनले दिए।
