वीरगंज । जिल्ला अदालत पर्सामा कार्यरत एक जना कर्मचारीको बैंक एकाउन्टबाट मोटो रकम चोरी भएको छ । जिल्ला अदालत पर्साको तहसिल शाखामा कार्यरत कर्मचारी ऋषिराम सापकोटाको बैंक खाताबाट साढे आठ लाख रुपैया चोरी भएको छ । साइबर चोर समुहले एनआईसी बैंक बीरगन्जमा रहेको आफ्नो एकाउन्ट ह्याक गरी सो रकम चोरी गरेको सापकोटाले बताए । बैंक एकाउन्टबाट धमाधम पैसा झिकिएको सुचना मोवाईलमा आएपछि सोधपुछ गर्न बैंक पुग्दा सम्म आफ्नो एकाउन्टबाट ८ लाख ५० हजार रुपैया बिभिन्न एकाउन्टमा ट्रान्सफर भइसकेको सापकोटाले बताए । चोर समुहले बैंकमा सापकोटाले गराएको एफडी बराबरको रकम छोटी बाकी सबै रकम बिभिन्न एकाउन्टमा ट्रान्सफर गरेका थिए ।
घटनाको छानविन गर्न तथा दोषीलाई पक्राउ गरी रकम असुल उपर गर्न भन्दै सापकोटाले जिल्ला प्रहरी कार्यालय पर्सामा उजुरी दिएका छन् । तर हाल सम्म प्रहरीले चोरलाई समात्न सकेको छैन् । सापकोटाले आफुले उजुरी दिएको महिनौ विति सक्दापनि प्रहरीले चोर समूहलाई पक्राउ गर्न नसकेको दुखेसो पोखे । चोर समुहले बजारमा बिभिन्न समान किन्दै पसलधनीको खाता एवं मनी चेन्जरहरुका संचालकहरुको खातामा रकम पठाएर पैसा सटही गरेको प्रहरीको प्रारम्भिक अनुसन्धानमा देखिएको जिल्ला प्रहरी कार्यालय पर्सा क्राइम शाखाका प्रहरी निरिक्षक प्रज्जवल थपलियले बताए । प्रहरी निरिक्षक थपलियाका अनुसार मोवाईल बैङ्किक मार्फत पैसा चोरी भएकोले घटना अलि पेचेलो छ । यता घटनाको बिषयमा आफु अनभिज्ञ रहको एनआईसी एसिया बैंकका मधेश प्रदेश प्रमुख नितेश खड्की बताउँछन् । खड्कीले ओपीटी नम्बर र टिपी नम्बर अन्य व्यक्तिले परिवर्तन गर्न नसक्ने भन्दै बैंकको रेक्युरिटी सिस्टम बहुतै मजबुत रहेको दावी गरे । उनले घटनाले व्याख्या गरे अनुसार चोरी हुन नसक्ने बताए ।
यता सेवा दिए वापत पैसा आफ्नो बैंक खातमा टान्सफर गराएकाहरु पैसा फर्काउन आनाकानी गरी रहेका छन् । प्रहरीले केहि व्यक्तिहरुलाई जिल्लामा झिकाएर तपाईको खातामा रकम गएको भन्दै फिर्ता गरी दिन दवाव दिइरहेका छन् । ८ लाख ५० हजार रकम खाताधनीले नै बिभिन्न ५ जना व्यक्तिको नाममा ट्रान्सफर गरेको बैंक खाताको स्टेटमेन्टले देखाएको छ । तर सापकोटाले आफुले सो रकम नपठाएको बताउँदै आफ्नो मोवाइलको सबै डाटाहरुको ह्याक भएको हुन सक्ने बताए । उनी बैंकमै पैसा सुरक्षित नभए कहा राख्ने भन्दै प्रश्न गरी रहेका छन् । बैंक,प्रहरी र सेवा दिएकाहरुको कुरालाई हवाला दिदा घटना रहस्यमय बन्दै गएको छ भने अदालतमा कार्यरत सुव्वा सरहको कर्मचारीको खातामा मोटो रकम जम्मा हुनु तथा एक सधारण कर्मचारीले मोटो रकमको एफडी गराउनु र केही दिनमै रकम चोरी हुन् आदी प्रश्नहरुले घटना सम्बेदनशिल भएको देखिएको छ । जिल्ला प्रहरी कार्यालय पर्साका प्रमुख प्रहरी उपरीक्षक रमेश कुमार वस्नेतले प्रहरी घटनाको जरो सम्म पुग्ने तथा दोषीलाई पक्राउन गर्ने बताउँदै घटनाको सुक्षम अनुसन्धान भइरहेको बताए । साभाल : नेपालपोस्टडेली
