वीरगंज । एक टापुमा साथीहरूसँग छुट्टी मनाउन गएकी एक महिलाले चारजना पुरुषमाथि सामूहिक बलात्कार गरेको आरोप लगाएकी छन् । नाइटक्लबमा पार्टी गरेपछि आफू ती पुरुषसँग होटलमा गएको उनले बताएकी छन् । त्यहाँ उनको आफ्नै इच्छाले ती मध्ये एकसँग सम्बन्ध थियो। तर, त्यसपछि चार जनाले आफूमाथि सामूहिक बलात्कार गरेको महिलाको दाबी छ । यी ३१ वर्षीया महिला बेलायतको ब्राइटन निवासी हुन् । उनी ग्रीसको रोड्स आइल्याण्ड घुम्न गएकी थिइन् । महिला सेप्टेम्बर ४ को दिन बिहान साथीहरूसँग फलिराकी क्षेत्रको रिसोर्टमा गएकी थिइन् । यहाँको नाइटक्लबमा उनले बेल्जियमका पुरुषहरू भेटिन् ।

रिपोर्टका अनुसार, उनलेले फालिराकीको डान्स सिटी नाइट क्लबमा पुरुषहरूलाई भेटिन्। बेल्जियमबाट आएका पुरुषको उमेर ३० देखि ३५ वर्षको बीचमा रहेको महिलाले बताइन् । नाइटक्लबमा रमाइलो गरेपछि उनी र उनका साथीहरू यी पुरुषहरूसँग फलिराकीको एउटा होटलमा गए। बेल्जियमका सबै पुरुषहरू यस होटलमा बसेका थिए।स्थानीय पत्रिका डिमोक्राटिकीलाई उद्धृत गर्दै बेलायती अखबार डेलीमेलले जनाएअनुसार बेलायती महिलाले ग्रीक प्रहरीलाई आफूले होटलमा उपस्थित एक पुरुषसँग स्वेच्छाले सम्बन्ध राखेको बताएकी छिन् । केही समयपछि उनका सबै साथीहरू होटलबाट निस्किए र आफू त्यहाँ एक्लै छाडिएको महिलाले बताइन् । त्यसपछि त्यहाँ उपस्थित चारजनाले आफूमाथि सामूहिक बलात्कार गरेको महिलाको दाबी छ । महिलाले प्रहरीलाई बताइन् कि उनी पुरुषहरूबाट भाग्न सफल भइन्। उनी पहिले नै बसेको होटलबाट भागिन् । यस विषयमा महिलाले सेप्टेम्बर ५ मा उजुरी दिएकी थिइन् ।

रोड्स प्रहरीले यस प्रकरणमा अनुसन्धान थालेको छ र चार अभियुक्तलाई पनि पक्राउ गरेको छ। महिलाले सबै अभियुक्तको पहिचान पनि गरिन् । अनुसन्धानकर्ताले चारैजनाको डिएनए नमूना पनि लिएका छन् । ग्रीक सञ्चारमाध्यमका अनुसार ती चार जनाले आफूमाथि लगाइएको आरोप अस्वीकार गरेका छन् । प्रहरीले होटलको सीसीटीभी फुटेज र डान्स सिटी नाइट क्लबको फुटेजको अनुसन्धान सुरु गरेको छ । यहाँ सेप्टेम्बर ६ मा बलात्कारका सबै आरोपी धरौटीमा रिहा भएका छन् ।