काठमाडौं । काठमाडौं महानगरपालिकाको डोजर टुकुचा खोलाको प्वाइन्ट पत्ता लगाउन जय नेपाल हलमा पुगेको छ ।
लामो समयदेखि अतिक्रमणमा परेर गायब भएको टुकुचा खोलाको प्वाइन्ट पत्ता लगाउन सो क्षेत्रमा पुगेको महानगर प्रहरी प्रमुख एसपी राजुनाथ पाण्डेले बताए । “हामी मेन ‘प्वाइन्ट’ पत्ता लगाउने प्रयास गरिरहेका छौँ । भर्खर डोजरसहित जय नेपाल हलमा पुगेका छौँ,” उनले भने ।
लामो समयदेखि अतिक्रमणमा परेका अवैध संरचना महानगरले भत्काउँदै आएको छ । अहिलेसम्म ३९ ठाउँका अवैध संरचनामा महानगरको डोजर चलिसकेको छ ।
