वीरगंज । बीरगन्ज महानगरपालिकाले मेनरोडमा सडक अतिक्रमण गरि बनाइएका भौतिक संरच्नाहरु ह्टाउन निर्देशन दिएको छ । बीरगन्जको गण्डक चोक देखि पावरहाउस चोक , मुर्ली , घण्टाघर , माइस्थान , आदर्शनगर , वीर्ता , छपकैया , भन्सार हुदै शंकराचार्य प्रवेशद्वार सम्मको क्षेत्रको मेनरोडमा सडक अतिक्रमण गरी बनाइएका भौतिक संरचनाहरु हटाउन सूचना जारी गर्दै महानगरपालिकाले निर्देशन दिएको हो ।

बीरगन्जको मेनरोड विस्तार गर्नुपर्ने भएकाले त्यस क्षेत्रमा अनधिकृत रुपमा बनाइएका घर, टहरा, पसल लगायतका संरचना हटाउन महानगरपालिकाले मङगलबार ३५ दिन भित्र हटाउन आग्रह गर्दै सूचना जारी गगरिएको बीरगन्जका मेयर राजेशमान सिंहले जानकारी दिए ।उक्त सुचनामा महानगरले सडकको दुवै तर्फ निर्माण भएका संरचनाको नक्सा पास भए-नभएकाे प्रमाण लिई सूचना प्रकाशित भएको भदौं २१ देखि ३५ दिन भित्र अर्थात आगामी असोज २५ गते सम्म महानगरपालिका कार्यालयको भवन निर्माण तथा इजाजत शाखामा उपस्थित हुन पनि सम्बन्धित व्याक्तिलाइ आग्रह गरिएको छ ।

त्यसैगरी महानगरले सुचना मार्फत सडकको जग्गा अतिक्रमण गरी संरचना निर्माण गरिएको प्रमाणित भएमा स्थानीय सरकार सन्चालन ऐन २०७४ बमोजिम कारबाही समेत गरिने चेतावनी दिइएको छ ।