उदयपुर । उदयपुरको बेलका नगरपालिका-७ गौधाटारमा एक जनाले शुक्रबार एकै परिवारका तीन जनालाइ धारिलो हतियार प्रयोग गरी हत्या गरेका छन। घरबाट खेतीतर्फ जाँदै गरेका ३७ वर्षीय राजकुमार बस्नेत, उनकी श्रीमती ३० वर्षीया सरिता बस्नेत र १२ वर्षीय छोरा सुजन बस्नेतको हत्या भएको हो।

हत्या लगत्तै फरार रहेका आरोपित ४० वर्षीय नरबहादुर बस्नेतलाइ नियन्त्रणमा लिइएको जिल्ला प्रहरी कार्यालयका सूचना अधिकारी डिएसपी राकेस पोदारले जानकारी दिए।

आरोपितले राजकुमारलाइ खेतमा जाँदै गरेको अवस्थामा चौवाटे कुलो र आमाछोरालाई स्थानीय बबिङ खोलामा खुकुरी प्रहार गरी हत्या गरेको उनले बताए। घटनाको कारण बारे केही खुलेको छैन। घटनास्थलतर्फ प्रहरी निरीक्षकको नेतृत्वमा टोली भर्खरै गएकाले थप विवरण आउन बाँकी रहेको उनले बताए।