वीरगंज । तीन वर्षदेखि फरार जबरजस्ती करणी अभियोगका फरार प्रतिवादीलाई वडा प्रहरी कार्यालय बिर्ताले पक्राउ गरेको छ ।

अदालतबाट सजाय तोकिएपछि फरार रहेका वीरगञ्ज महानगरपालिका वडा नम्बर १६ का अनिल प्रसाद चौरसियालाई वडा प्रहरी कार्यालय बिर्ताले पक्राउ गरेको हो । जबरजस्ती करणी मुद्दामा उच्च अदालत जनकपुरको अस्थायी इजलास वीरगञ्जले चौरसियालाई ६ वर्ष कैद र ३० हजार रुपैयाँ जरिवाना तोकेको थियो ।

अदालतको फैसला कार्यान्वयनका लागि फरार व्यक्तिलाई पक्राउ गरी मंगलबार नै अदालतमा बुझाइएको र अदालतले कैद भुक्तानका लागि कारागार चलान गरेको वडा प्रहरी कार्यालय विर्ताका प्रमुख प्रहरी निरीक्षक विशाल मल्लले जानकारी दिए ।