वीरगंज । कक्षा १२ को नतिजा बुधवार सार्वजनिक हुने भएको छ । राष्ट्रिय परीक्षा बोर्डले मंगलबार सार्वजनिक गर्ने तयारी गरेपनि प्राविधिक कारणवश हुन नसकेको हुँदा बुधवार सार्वजनिक गर्ने तयारी गरेको हो ।

बोर्डले बुधवार अपरान्ह साढे ४ बजे नतिजा सार्वजनिक गर्ने गरी सबै तयारी पूरा गरेको जनाएको छ । तीजको दिन सार्वजनिक विदा परेका कारण नतिजा सार्वजनिक गर्न नहुने प्रतिक्रिया आएपछि मंगलबार सार्वजनिक हुने भनिएको परिक्षाफल आज सार्वजनिक गर्न लागिएको हो ।

यसअघिको तयारी अनुसार सोमबार राती सबै प्रक्रिया पूरा गरेर मंगलबार परीक्षाफल प्रकाशित गर्ने गरी बोर्डका कर्मचारीलाई बिदा दिइएको थियो ।