वीरगंज । नेपाली कांग्रेस पर्सा क्षेत्र नम्बर २ (क) बाट को उम्मेदवार हुने बिषय पेचेलो बन्दै गएको छ । गठबन्धनको तालमेल मिलाउन नेपाली काग्रेसका नेताहरु निर्वाचन क्षेत्र नं.२ (क) मा लचक्ता अपनाउन सक्ने अभिव्यक्ति दिएपछि सो क्षेत्रका नेताहरु जिल्ला नेतृत्वप्रति रुसट देखिएका छन् । पर्सा निर्वाचन क्षेत्र नं. २ (क) बाट नेपाली कांग्रेसका निर्वाचित प्रदेश सांसद राजेश्वर साहलाई नै पुनः उम्मेदवार बनाउनुपर्ने सो क्षेत्रका नेता कार्यकर्ताहरुले जोडदार माग गरेका छन् । बीरगन्ज महानगरपालिका वडा नम्बर २७ उदयपुरघुर्मीमा बुधवार आयोजित नेपाली कांग्रेसको वडास्तरीय कार्यकर्ता भेटघाट तथा चुनावी छलफलका क्रममा नेताहरुले साह पुनः अवसर दिनुपर्ने धारणा राखेका हुन् ।

साह निर्वाचन सांसद रहेको तथा पुनः निर्वाचित हुने पक्का रहेको कारण उनलाई निर्वाचनमा उम्मेदवार बनाउँनु पर्ने भन्दै सो क्षेत्रका क्षेत्रिय नेता देखि कार्यकर्ताहरुले समेत अडान लिएका छन् । वडा नम्बर २७ का वडाअध्यक्ष हृदयनारायण कुर्मीको अध्यक्षतामा भएको कार्यक्रममा सहभागीहरुले प्रदेश सभा सदस्य साहको कार्यकाल सह्रानीय रहेको बताउँदै पुनः उनलाई नै उम्मेदवार बनाउनुपर्ने वडा समितिका उप सभापति राजदेव यादवले बताए । साहलाई नै पुनः उम्मेदवार नबनाए पार्टी परित्याग गर्नुका साथै सोही पार्टीका अन्य उम्मेदवारलाई मतदानसमेत नगर्ने चेतावनी पनि सहभागीहरुले दिएका छन् । कांग्रेसले जितेको क्षेत्र पनि गठबन्धनको नाममा तिलाञ्जली दिएर पार्टीलाई कमजोर बनाउने काम नगर्न उनीहरुले पार्टी पंक्तिलाई ध्यानाकर्षण गराएका छन् । जनताको चहानाविपरितका व्यक्तिलाई उम्मेदवार बनाए पार्टीलाई नै क्षति हुने हुँदा सोची सम्झी निर्णय लिन पार्टीलाई सचेत गराएका छन् ।

कार्यक्रममा कांग्रेसका स्थानीय नेता बलिराम यादव, वडा सदस्य संदिप साह, प्रमोद कुशवाहा, राधिका देवी, रमावती देवी लगायत क्षेत्रिय प्रतिनिधि, वडा समितिका पदाधिकारी, सदस्य एवम् क्रियाशिल सदस्यहरुको उपस्थिती रहेको थियो । राजेश्वर साह तेलीले हालै केहि भन्न सक्ने अवस्था केहि रहेको भएपनि नेताहरुले क्षेत्र नं. २ को क मा अनावश्यक बिवाद गर्न खोजि रहेको आरोप लगाए । आफु जनताको पक्षमा रहेको तथा जनताले आफुलाई दिन्छ सो मान्न तयार रहेको बताए । पार्टीको बिपरित कोहि नरहेको वताउँदै नेता साहले पार्टी जनताको पक्ष निर्णय गर्नेमा आफु आशावादी रहेको प्रतिक्रिया दिए ।