रौतहट । जिल्लाको बृन्दावन नगरपालिकाले कक्षाकोठामा मोबाइल नचलाउन शिक्षकशिक्षिकालाई निर्देशन दिएको छ। नगरपालिकाले सामुदायिक विद्यालयका शिक्षक तथा कर्मचारीलाई कार्यालय समय मोबाइल नचलाउन निर्देशन दिएको हो।

नगरपालिकाको प्रमुख प्रशासकीय अधिकृत खिमबहादुर भुजेलले सम्पूर्ण सामुदायिक विद्यालयका प्रधानाध्यापकको बैठक राखेर शिक्षक तथा कर्मचारीलाई पठनपाठनको समयमा कक्षाभित्र मोबाइल नचलाउन निर्देशन दिएको बताए।

नगरपालिकाले विज्ञप्ति मार्फत सम्पूर्ण विद्यालयलाई पठनपाठनको समय मोबाइल नचलाउन निर्देशन दिँदै अवहेलना गरेको पाए शिक्षक आचारसंहिताअनुसार कारबाहीका लागि सिफारिस पठाउन प्रधानाध्यापकहरू भनिएको छ।