वीरगंज । जनता समाजवादी पार्टी (जसपा) नेपालको प्रवक्ताको जिम्मेवारी मनिष कुमार सुमनलाई दिईएको छ । जसपाका पार्टी अध्यक्ष उपेन्द्र यादवले सुमनलाई प्रवक्ताको जिम्मेवारी दिएको पत्र सार्वजनिक गरेका हुन् ।

यसअघि जसपा नेपालको प्रवक्ता डम्बर खतिवडा थिए । जसपा नेपालबाट बाबुराम भट्टराई अलग भएपछि खतिवडाले पनि जसपा नेपाल छाडेका थिए ।

जसपाको केन्द्रीय कार्यकारिणी समिति सदस्य सुमनले आफूलाई केन्द्रीय प्रवक्ताको जिम्मेवारी दिएको भन्दै नेतृत्वप्रति धन्यवाद ज्ञापन समेत गरेका छन् ।