वीरगंज । सशस्त्र प्रहरीले सर्लाहीको हरिवनबाट १० लाख रुपैयाँ बराबरको अवैध कपडा बरामद गरेको छ । महोत्तरीको गौशालाबाट काठमाण्डौं जाँदै गरेको प्रदेश.३–०१–००६ ख ०७४४ नम्वरको यात्रुबाहक बसबाट भन्सार छलेर ल्याइएको कपडा बरामद भएको हो ।

हरिवनस्थित सशस्त्र प्रहरीको बेसबाट विशेष सूचनाका आधारमा खटिएको टोलीले पूर्व–पश्चिम राजमार्गस्थित हरिवन नगरपालिका वडा नम्बर ११ बासाटोल चोकमा बस रोकेर चेकजाँच गर्दा बिलबिजक नभएको १० लाख रुपैयाँ बराबरको कपडा बरामद गरेको सर्लाहीका सशस्त्र प्रहरी उपरीक्षक भरत खनियाँले जानकारी दिए ।

बरामद गएिको कपडामा दुई हजार पाँच सय थान टि–सर्ट रहेका छन् । ती कपडा आवश्यक प्रक्रिया पूरा गरी भन्सार कार्यालयमा बुझाइने सशस्त्र प्रहरीले जनाएको छ ।