वीरगंज । नेकपा (एमाले)ले आमनिर्वाचनबारे छलफल गर्नका लागि पार्टीका विभिन्न कमिटीका बैठक बोलाएको छ । बिहीबार बसेको सचिवालय बैठकले स्थायी कमिटी, पोलिटव्युरो र केन्द्रीय कमिटीको बैठक बोलाएको हो । एमालेका प्रचार विभाग प्रमुख पृथ्वीसुब्बा गुरुङले भदौ ७ गते स्थायी कमिटीको बैठक, भदौ ९ गते पोलिटब्यूरोको बैठक र भदौ १० र ११ गते केन्द्रीय कमिटीको बैठक बोलाएको जानकारी दिए ।

गुरुङका अनुसार सचिवालय बैठकले पार्टीका विभिन्न विभागका सचिव पनि मनोनयन भएका छन् । उनका अनुसार उद्योग वाणिज्य तथा आपूर्ति विभागको सचिवमा सुन्दर भुसाल, कृषि तथा पशुपंक्षी विभागको सचिवमा विमल शर्मा, पुस्तकालय तथा अभिलेख विभागको सचिवमा सुरज अधिकारी, पर्यटन तथा नागरिक उड्डयन विभागको सचिवमा धनेन्द्र श्रेष्ठ, युवा तथा खेलकुद विभागको सचिवमा मेघराज पौडेल, भूमि व्यवस्था विभागको सचिवमा आरसी लामिछाने, भौतिक पूर्वाधार तथा यातायात विभागको सचिवमा एसपी शर्मा, सहकारी तथा गरिबी निवारण विभागमा केवी उप्रेती, विपद् व्यवस्थापनमा सुवेद ढकाल, विज्ञान तथा प्रविधि विभागमा सञ्जीव रोका, सामाजिक सुरक्षा विकास विभागमा पुष्कर खाती, शहरी विकास विभागको सचिवमा गजेन्द्र थपलियालाई मनोनयन गरेको छ ।

सचिवालयको बैठकले भौतिक पूर्वाधार तथा यातायात व्यवस्था विभाग, शहरी विकास विभाग, भूमि व्यवस्था विभाग गरी तीन विभागको गठन गरेको गुरुङले बताए । कान्तिपुरबाट साभाल गरिएको