वीरगंज । शुक्रबार थप ९१२ जनामा कोरोना संक्रमण पुष्टि भएको छ । कोरोना भाईरस संक्रमणका कारण १ जनाको मृत्यु भएको छ । ६ हजार ४९१ जनाको परीक्षणमा ९१२ जनामा संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ । जसमध्ये २ हजार ९४१ जनाको पीसीआर परीक्षण गर्दा ५२९ जना र ३ हजार ५५० जनाको एन्टिजेन परीक्षण गर्दा ३८३ जनामा संक्रमण देखिएको हो ।
योसँगै कोरोना भाइरसको सक्रिय संक्रमितको संख्या ५ हजार ७६० पुगेको छ भने पछिल्लो २४ घण्टामा ३७० जना संक्रमणमुक्त भएका छन् । ५ हजार ५८७ जना होम आइसोलेसनमा रहेका छन् भने १७३ जना संस्थागत आइसोलेसन र ४२ जना आईसीयूमा रहेका मन्त्रालयले जनाएको हो ।
यस्तै मन्त्रालयका अनुसार २ जनाको भेन्टिलेरमा राखेर उपचार भइरहेको छ । शुक्रबार थपिएसँगै नेपालमा कोरोना भाईरस संक्रमितको कुल संख्या ११ लाख ३३ हजार ५२५ पुगेको छ ।
