वीरगंज । मधेस प्रदेशका मुख्यमन्त्री लालबाबु राउतले खाडी मुलुकमा सबै भन्दा बढि जाने मधेस प्रदेशका युवाहरुलाइ तालिम दिएर स्वदेशमै रोजगारी उपलब्ध गराउने प्रदेश सरकारको योजना रहेको बताएका छन् । बाराको सिमरामा मधेश प्रदेश सरकारको आयोजनामा जारी औधोगिक सम्मेलनलाई सम्बोधन गर्दै मुख्यमन्त्री राउतले यस्तो बताएका हुन् । उनले प्रदेश सरकारको यो योजनामा सहकार्य गर्न यहाका उधोगीहरुलाई आग्रह समेत गरे ।

मुख्यमन्त्री राउतले उधोग मैत्री वातावरण नै प्रदेशको समृद्धिको मुल आधार रहेको पनि बताए । प्रदेश सरकारले उधोगहरुको लागी विशेष प्याकेजका कार्यक्रम ल्याएपनि संघीय कानूनको आभावमा कार्यान्वयन गर्न समस्या भएको बताए । मुख्यमन्त्री राउतले जग्गाको स्वामित्व हस्तान्तरण लगायतका प्रक्रिया अविलम्ब शुरू गर्न संघीय सरकारसंग मांग समेत गरे । औधोगिक क्षेत्रका समस्या समाधान गर्न प्रदेश सरकार एकद्वार प्रणाली मार्फत अघि वढेको स्मरण गराउदै मुख्यमन्त्री राउतले प्रदेश सरकारले केहि दिन पहिले मात्रै वीरगन्जमा उधोग विभाग स्थापनाको लागि गरेको निर्णयले ठुलो सहयोग पुरयाउने विश्वास ब्यक्त गरे । सम्मेलनमा प्रदेश सरकारका अर्थमन्त्री शैलेन्द्र प्रसाद साहले सम्मेलनबाट आउने निष्कर्षले प्रदेश सरकारलाई दिशा निर्देश गर्ने उल्लेख गरे ।

उनले आधोगिक विकासका लागी प्रदेश सरकारले अवलम्बन गरेको नीतिहरु बारे जानकारी गराउदै प्रदेशको आर्थिक समृद्धि र विकासका लागी निजि क्षेत्रको योगदान महत्वपूर्ण रहेको उल्लेख गरे । प्रदेश सरकारका उधोग पर्यटन तथा वन मन्त्री सत्रुधन महतोले औधोगिक सम्मेलनले प्रदेशमा उद्योग स्थापनाको वातावरण निर्माण गर्नुका साथै वर्तमान आवश्यकता र कानूनी जटिलता जस्ता समस्या समाधानको बाटो पहिल्याउन महत्वपूर्ण योगदान दिने विश्वास व्यक्त गरे । बुधबार सम्म चल्ने सम्मेलनमा प्रदेश सरकारका भूमि ब्यवस्था, कृषि तथा सहकारी मन्त्री विजय यादव, खानेपानी तथा उर्जा मन्त्री ओम प्रकाश शर्मा, प्रदेश सरकारका प्रमुख सचिव कृष्ण बहादुर राउत सहितका सचिवहरु लगायत प्रदेश स्थित करिब एक सय जना उद्योगीहरुको सहभागिता रहेको छ ।