वीरगंज । मधेश प्रदेश सरकारको भौतिक पूर्वाधार मन्त्रालय तथा यातायात पूर्वाधार निर्देशनाल यको निर्देशनमा पूर्वाधार विकास कार्यालय पर्साद्वारा निर्माण भईरहेको निर्माणाधीन सडकको आज बिहिबार शिलान्यास गरिएको छ ।

पर्साको सखुवा प्रासौनी गाउँपालिका वडा नम्बर २ गुलवरिया चौक देखि पटेर्वा सुगौली गाउँपालिका वडा नम्बर १ सोनवर्षा सम्म निर्माणाधीन रहेको सडकको आज पर्सा क्षेत्र नम्बर ३ का प्रतिनिधि सभा सदस्य हरिनारायण रौनियार र प्रदेश सभा सदस्य मन्जुर अन्सारीले संयुक्त रुपमा शिलान्यास गर्नुभएको हो ।
५ हजार ५ सय लामो सडक निर्माणाधीन रहेकोले सो क्षेत्रका बासिन्दा सहित यात्रुलाई समेत सास्ती हुदै आएको छ ।

उक्त निर्माणाधीन सडकको शिलान्यास भए संगै त्यस भेगका जनताहरु खुसि व्यक्त गर्दै यो सडकको निर्माण कार्य छिटै समपन्न हने बिश्वास व्यक्त गरेका छन । शिलान्यास कार्यमा मधेस प्रदेश समिती सदस्य गौरीशंकर साह,सखुवाप्रसौनी गा।पा।पूर्व अध्यक्ष प्रदिप जैसवाल,उपाध्यक्ष शर्मिला विष्ट,पूर्व वडा सलिम मिया लगायत स्थानीय बासीहरुको सहभागीता रहेको थियो।