वीरगंज । वीरगञ्ज महानगरपालिका वडा नम्बर ३२ परसवाबाट सशस्त्र प्रहरीले ठूलो परिमाणमा काठ बरामद गरेको छ ।
परसवास्थित सुरक्षा बेश बेल्वाबाट सशस्त्र प्रहरी नायब निरीक्षक सन्तोष शाह नेतृत्वमा र सब डिभिजन बन कार्यालय सबैयाबाट बन अधिकृत रामपुकार महतोको नेतृत्वमा खटिएको टोलीले अवैध रुपमा लुकाई छिपाई राखिएको काठ बरामद गरेको हो ।
३ लाख १६ हजार ७ सय ५ रुपैयाँ मूल्य बराबरको झ्याल १३ थान, चौकस ४ थान, २७ थान कडी र ९०.५ क्युबिक फिटको ११ वटा सालको गोलिया बरामद गरिएको पर्साका प्रमुख सशस्त्र प्रहरी उपरीक्षक तेजप्रसाद पोखरेलले जानकारी दिए ।उनका अनुसार बरामद काठ आवश्यक कारवाहीका लागि सब डिभिजन बन कार्यालय सबैयामा बुझाइएको छ ।