बीरगञ्ज । बिल विजक भन्दा बढी हार्डवेयरका पार्टस एवम् खुद्रा सामानहरू बोकेको ट्रकलाई पर्सा प्रहरीले नियन्त्रणमा लिएको छ । नियन्त्रणमा लिएर ट्रकलाई प्रहरी राजस्व अनुसन्धान कार्यालय पथलैया बुझाएको छ ।
बिशेष सूचनाको अधारमा खटिएको प्रहरी टोलीले जिल्ला पर्सा बीरगञ्ज महानगरपालिका वडा नम्बर १५ भानुचोक स्थित सडकखण्डमा ना.६ ख ६६६७ नम्बरको मालवाहक ट्रकलाई रोकी जाँच गर्ने क्रममा विल बिजक शंकास्पद देखिएको तथा विल बिजक बिनाका विभिन्न किसिमका हार्डवेयर पार्टस लोड गरिएको भेटिएपछि समान सहित ट्रकलाई नियन्त्रणमा लिएको थियो ।
नियन्त्रणमा लिइएको उक्त ट्रक र समानहरुको समेत गरी ६७ लाख ५२ हजार ९ सय ९८ रुपैया मूल्याङ्कन गरी आवश्यक कारवाहीको लागि बुधवार राजश्व अनुसन्धान कार्यालय पथलैया, बारामा बुझाइएको जिल्ला प्रहरी कार्यालय पर्साका प्रहरी प्रबक्ता प्रह्लाद कार्कीले बताए ।
