वीरगंज । पछिल्लो २४ घण्टामा थप १२१ जनामा कोरोना संक्रमण पुष्टि भएको छ । ३ हजार ४५ जनाको गरीएको कोरोना परीक्षणमा १२१ जनामा संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।

१ हजार ७ सय जनाको पीसीआर परीक्षण गर्दा १०४ जनामा र १ हजार ३ सय ४५ जनाको एन्टिजेन परीक्षण गर्दा १७ जनामा संक्रमण देखिएको मन्त्रालयको भनाइ छ । योसँगै हालसम्म कोरोनाको सक्रिय संक्रमित ४ सय ७१ जना रहेका छन् भने पछिल्लो २४ घण्टामा ३१ जना संक्रमणमुक्त भएका छन् ।

त्यस्तै ६ सय ६२ जना होम आइसोलेसनमा छन् भने १६ जना संस्थागत आइशोलेशन र ७ जना आईसीयूमा रहेका छन् । यस्तै एक जनाको भेन्टिलेरमा उपचार भइरहेको मन्त्रालयले जनाएको छ । आइबार थपिएसँगै नेपालमा कोरोना संक्रमितको कुल संख्या ११ लाख २० हजार ९ सय ५६ पुगेको मन्त्रलयले जनाएको हो ।