वीरगंज । बसले किच्दा चितवनमा एक जनाको मृत्यु भएको छ। चितवन भरतपुर महानगरपालिका २४ बस्ने २१ वर्षीय सुरज नेपालीको मृत्यु भएको हो।

आज बिहान भरतपुरको शुक्रनगरमा ना ५ ख ९६७ नम्बरको बस बिग्रिएको थियो। त्यसपछि बसको चालक र सह-चालकले बस मर्मत गरिरहेको अवस्थामा बस चालकले बस स्टार्ट गरी बस अगाडी बढाउने क्रममा बसको मुनि रहेका सह-चालकको बसले किचेर मृत्यु भएको प्रहरीले जानकारी दिएको छ।

बसले किचेर घाइते भएका नेपालीको उपचारको क्रममा नयाँ मेडिकल कलेज भरतपुरमा मृत्यु भएको हो। प्रहरीले बसका चालकलाई भने नियन्त्रणमा लिएको छ।