बिरगंज । हेटौंडा–४ कपुर कम्प्लेक्समा सुविधा सम्पन्न वन ईलाभेन लन्ज सञ्चालनमा आएको छ । वीरगंजमा लामो समयदेखी सञ्चालनमा रहदै आएको वन ईलाभेन लन्ज रेष्टुरेन्ट एण्ड बारको शाखा हेटौंडामा पनि सञ्चालनमा आएको हो ।
लन्जको शुक्रबार हेटौंडा उपमहानगरपालिकाका उपमेयर राजेश बानियाँले उद्घाटन गरेका थिए । लामो समयदेखी वीरगंजमा उत्कृष्टस्तरको सेवा प्रदान गर्दै आएको लन्जले हेटौंडमा पनि गुणस्तरिय सेवा प्रवाह गर्ने सञ्चालक अंकुश ग्वेंकाले जानकारी दिए । उनले करिव एक करोडको लगानीमा सुविधा सम्पन्न रेष्टुरेन्ट एण्ड बार हेटौंडामा सञ्चालनमा ल्याइएको बताए ।
हेटौंडामा पनि गुणस्तरिय खानासँगै रेष्टुरेन्ट र बारको सेवा दिन लन्जको शाखा विस्तार गरिएको उनको भनाई छ । लन्जको उद्घाटन कार्यक्रममा २८ बाहिनीका बाहिनीपति ब्रिगेडर जेनरल सहायकरथी हिम्मत बहादुर विष्ट,साजसेवी दिपेन्द्रचन्द ठकुरी लगायतको उपस्थिती रहेको थियो ।
